Zelenski müşavirə keçirdi – Təzminat tələbi

52

Ukrayna Prezidenti Volodimir Zelenski müşavirə keçirib.

Elchi.az Ukrayna KİV-lərinə istinadən xəbər verir ki, müşavirə Rusiyanın vurduğu ziyana görə Ukraynaya təzminat ödənilməsi məsələsinə həsr olunub.

Kompensasiya mexanizminin yaradılması və həyata keçirilməsi üçün dövlət başçısı Prezident Aparatının rəhbəri Andriy Yermakın sədrliyi ilə Nazirlər Kabinetinin nümayəndələrinin, aparıcı ukraynalı və xarici beynəlxalq hüquqşünasların daxil olduğu xüsusi işçi qrupu yaradıb.

İclas iştirakçıları Rusiyanın aktivlərinin Ukraynanın xeyrinə məcburi müsadirə edilməsinə dair danışıqlar prosesinin gedişini və bu istiqamətdə atılacaq addımları müzakirə ediblər. O cümlədən Ukraynanın tərəfdaşları ilə çoxtərəfli beynəlxalq müqavilənin bağlanması yolu ilə xüsusi kompensasiya komissiyasının yaradılması istiqamətində iş aparılır. Komissiya müharibə nəticəsində dəymiş zərərin ödənilməsi ilə bağlı müraciətlərə baxa biləcək.