Zahid Oruc: “44 günlük müharibə erməniləri süni statusdan məhrum etdi”

62

“Yaxın gələcəkdə Xankəndi, Xocəvənd və digər ərazilər tam Azərbaycan dövlətinin və konustitusuyasının tələbləri çərçivəsində idarəçiliyinin altında olacaq”.

Elchi.az xəbər verir ki, bu sözləri Qaynarinfo-ya Qarabağdakı gərginlik, “Qisas” əməliyyatı və proseslərin gələcək mümkün inkişafı barədə danışan Sosial Tədqiqatlar Mərkəzinin İdarə Heyətinin sədri, Milli Məclisin deputatı Zahid Oruc deyib. Millət vəkilinin fikrincə, bu hadisə şübhəsiz ki, Azərbaycan dövlətinin bir neçə addımı sayəsində reallaşacaq:

“İlk növbədə Ermənistan və Azərbaycan iki il əvvəl baş tutan savaşın yekunu olaraq Böyük Sülh sazişinin imzalanmasına gedəcəklər. Bundan sonra delimitasiya və demarkasiya prossesi baş tutacaq. Hansı ki, 1990-cı illərdən fərqli olaraq, indi ABŞ, Fransa, hətta Avropa Birliyi də bunu istəyir”.

Zahid Oruc bəyan edib ki, Azərbaycanda yaşayan ermənilərə heç vaxt muxtariyyat statusu verilməyəcək:
Ətraflı

“Bu, yalnız Qarabağ iqtisadi rayonu ola bilər. Prezident Dağlıq Qarabağ termininin leksikomuzdan çıxmasına yönəlik haqlı çağırışlarını edib. Gördüyünüz kimi, gerçəkdən də o sözlər əvvəlki kimi qalıcılıq yaratmır. Digər tərəfdən, Qarabağda yaşayan ermənilər üçün sadəcə Qarabağ iqtisadi rayonu şəkilində mövcudluq heç bir təhlükə törətməyəcək. Hazırkı süni status onların varlığına və mənafeylərinə xələl gətirir. Ümumuyyətlə bizim ölkədə digər xalqlar da yaşayır. Kim onların hüquqlarını pozub? “Statussuz erməni məhv olacaq” kimi fikirləri onların beynində zori balayanlar möhkəmləndirməyə çalışır. Bilirik ki, erməni xüsusi statusda olanda həmişə özünü cinayətkar və təcavüzkar kimi aparır. İndi Azərbaycan prosseslərə nəzarət edir. Orda kiçik sayda (27 min nəfər) erməni qalıb. Bircə dəfə Şuşada olan şəxs anlayır ki, ermənilərin mübarizəsi puçdur. Çünki ora təkcə coğrafi yüksəlik deyil. Həm də şəraiti bütün mənalarda görməyə imkan verir”.

Deputat hesab edir ki, Ermənistanın baş naziri Nikol Paşinyan daha realist mövqeydədir:

“Dünənki hərbi zərbələr vəziyyəti onun əleyhinə çevirməyə çalışanların qarşısında Paşinyanın əlini gücləndirir. Faktiki deyir ki, “siz istəyirsiz mən şərtləri qəbul etməyim və Azərbaycanla savaş diktatında danışım. Buyurun. Balalarınızı birinci göndərin ora. Qoy gedib onlar orda döyüşsünlər. Nə var ki, meydanlara çıxıb sadə erməni xalqına Ermənistandan kəskin ultimatum, bəyanat verməyə”. Bəzən dövlət müharibə deyil, güc göstəməklə də nəticələr əldə edə bilir. Bu gün Sarıbaba və digər yüksəkliklərin nəzarətə götürülməsini buna misal göstərmək olar. Qarabağın, Xankəndinin, Xocəvəndin gələcəyi yalnız Azərbaycanla və azərbaycanlılarla bağlıdır”.