Rusiya avtobus dayanacağını vurdu: 8 ölü

34

Rus ordusu Donetsk vilayətinin Toretsk şəhərində ictimai nəqliyyat dayanacağını atəşə tutub, nəticədə 8 nəfər ölüb, 3-ü uşaq olmaqla 4 nəfər yaralanıb.

Elchi.az xəbər verir ki, bu barədə Donetsk vilayət hərbi administrasiyasının rəhbəri Pavlo Kırilenko deyib.

“8 ölü, 4 yaralı – bu, rusların bu gün saat 11 radələrində Toretsk şəhərini atəşə tutmasının nəticələridir. Dörd yaralı arasında üç uşaq da var. Məlumata görə, artilleriyadan atəş açılıb. Onlar həmin vaxt insanların sıx olduğu ictimai nəqliyyat dayanacağını vurublar”, – o bildirib.