Home MANŞET Prezident bunu xalqla açıq bölüşə bilməz – Millət vəkili

Prezident bunu xalqla açıq bölüşə bilməz – Millət vəkili

0
Prezident bunu xalqla açıq bölüşə bilməz – Millət vəkili

Allahdan şəhid olan qardaşlarımıza rəhmət, yaxınlarına səbir diləyirəm. Ermənistanda seçkilər yaxınlaşdıqca təxribatların miqyasının artması ehtimalı böyükdür. Biz bu barədə əvvəllər də çox danışmışıq. Ümid edirəm, istintaq faciə ilə əlaqədar hərtərəfli araşdırma aparacaq və Azərbaycan dövləti cinayətkarların cəzalandırılması üçün mümkün olan hər şeyi edəcək.

Bunu Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev Kəlbəcərdə minaya düşmüş jurnalist həmkarlarımız və cəmiyyətdə bu mövzuda aparılan müzakirələrlə bağlı açıqlamasında deyib.

“Bu istiqamətdə aparılan müzakirələr barədə isə onu deyə bilərəm ki, Azərbaycanda Qərbdə təhsil almış və zamanında sabiq nazir Fərhad Əliyev tərəfindən irəli çəkilib üzə çıxarılmış yüksək çinli şəxslər, o cümlədən Fərhad Əliyevin himayə etdiyi, onun müdafiə komitəsinin sədri və “Milli Şura”ya rəhbərlik edən Cəmil Həsənli, parlament tribunasından “AXC-nin hakimiyyətə gəlməsini 9 dövlətlə razılaşdırmışıq” bəyanatını verən Arif Hacılı və bu kimi digər şəxslər açıq və gizli formada Rusiya ilə münasibətləri pozmaq istiqamətində ciddi səylər göstərirlər. Açıq “müxalifətçilik” (casusluq da demək olar) edənlər ölkədə nə baş versə ona görə Prezidenti və Birinci vitse-prezidenti günühlandırır, uğurlarımızı da məğlubiyyət kimi təqdim edirlər. Amma əminliklə deyirəm, çox gözəl başa düşürlər ki, məhz sonuncuların Rusiya ilə qurduğu düzgün münasibətlər sayəsində biz torpaqlarımızı işğaldan azad edə bilmişik. Atəşkəs haqqında Birgə Bəyanat imzalanan kimi hər şeyin qaydasına düşəcəyini yalnız diletantlar düşünə bilər. Qərbin bəzi dairələrinə bağlı iqtidarlı-müxalifətli bu adamlar anlayırlar ki, Azərbaycanın xoşbəxt gələcəyi öz qonşuları ilə strateji dostluq və əməkdaşlıqdan keçir. Amma onların fəaliyyəti milli maraqlarla motivasiya olunmur, verilən tapşırıqlardan qaynaqlanır.

Sonda nə demələrindən asılı olmayaraq, vətəndaşlarımıza onu demək istəyirəm ki, müharibə sülh sazişi ilə yekunlaşmayana qədər Prezident Qarabağ məsələsi ilə bağlı hər şeyi xalqla açıq-açığına bölüşə bilməz, ona görə deyir ki, mən nəyi nə vaxt etməyin lazım olduğunu bilirəm, mənə güvənin”, – Həsənquliyev bildirib.

%d bloggers like this: