Daha bir Avropa ölkəsində koronavirusdan ölüm faktı qeydə alındı

0

Yunanıstanda koronavirusa yoluxmuş 66 yaşlı kişi ölüb.

“Report” “Reuters”ə istinadən xəbər verir ki, bunu ölkənin Səhiyyə Nazirliyi açıqlayıb.

Məlumata görə, onun səhhətində başqa problemlər də olub.

Mərhum daha öncə İsrail və Misirə səfər edibmiş.

Qeyd edək ki, ötən gün Yunanıstanın qonşu ölkəsi olan Bolqarıstanda da koronavirusdan ilk ölüm faktı qeydə alnımışdı.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda epidemiya 124 ölkədə qeydə alınıb.

Dünyada koronavirus infeksiyasına indiyədək yoluxanların sayı 126 369-a çatıb. Bunların 68 306 nəfəri sağalıb, 4 635 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub.