Aİ postmünaqişə dövründə mühüm rol oynayır – Ceyhun Bayramov

60

“Azərbaycan və Ermənistan arasında beynəlxalq səviyyədə tanınmış sərhədlər daxilində bir-birinin suverenliyinə və ərazi bütövlüyünə qarşılıqlı tanınma və hörmət əsasında münasibətlərin normallaşdırılmasının alternativi yoxdur”.

Elchi.az xəbər verir ki, bunu Azərbaycanın xarici işlər naziri Ceyhun Bayramov Brüsseldə keçirilən Azərbaycan-Avropa İttifaqı Əməkdaşlıq Şurasının 18-ci iclasının yekunlarına dair mətbuat konfransında bildirib.

O qeyd edib ki, Avropa İttifaqı (Aİ) postmünaqişə dövründə mühüm rol oynayır.

Nazir üç görüş vasitəsilə Bakı ilə İrəvan arasında münasibətlərin normallaşmasına vasitəçilik etdiyinə görə Avropa İttifaqına təşəkkür edib: “Bu görüşlər faydalı idi, Cənubi Qafqazda sülh, təhlükəsizlik və rifah üçün mühüm əhəmiyyət kəsb edən məsələlər üzrə dialoqa töhfə verib”.